ನಾವಿರೋದೇ ನಿಮ್ಮ ಸೇವೆಗಾಗಿ
ನೀವು ಮೈಕಿನಲ್ಲಿ ಭಾಷಣ ಬಿಗಿಯೋ ಮುನ್ನ
ಸ್ಟೇಜಿನಲ್ಲಿ ಟೇಬಲ್ ಹಾಕಿ
ಬ್ಯಾನರ ಕಟ್ಟಿ, ಹಾರತುರಾಯಿ ರಡಿಮಾಡಿ
ಮೈಕಿನಲ್ಲಿ ಒಂಟುತ್ರಿ-ತ್ರಿ ಟು ಒನ್
ಹೇಳೋಕಾಗಿಯೇ ನಾವಿರೋದು ಬಿಡಿ||
ಮನೆ ಮನೇಗೆ ಹೋಗಿ ಕದತಟ್ಟಿ
ಕೈ ಮುಗಿದು ಚೀಟಿ ಕೊಟ್ಟು
ನೂರು ಜನ ಕರೆದ್ರೆ ಮೂರು ಜನ ಬರುಲ್ಲ ಅಂತ ಗೊತ್ತಿದ್ದೂ
ಅದನ್ನೇ ಪ್ರತಿ ಭಾರಿಯೂ ಮಾಡುವ
ನಮಗೆ ಅದರಲ್ಲೇ ತೃಪ್ತಿ, ಬಿಡಿ||
ಭಾಷಣ ಮಾಡೋ ನೀವ್ ಹೇಗಾದ್ರೂ ಇರಿ
ಅದು ನಿಮ್ ಖುಷಿ
ನಾವ್ ಮಾತ್ರ ಬಂದೋರ್ಗೆಲ್ಲಾ ಸಲಾಮ್ ಹೊಡೆದು
ಅವರ ಚಪ್ಲಿ ಕಾಯ್ಬೇಕು, ಇದು ನಮ್ಮ ಧರ್ಮ ಬಿಡಿ|
ಹಾ! ನೀವಿರೋದೇ ಉದ್ದುದ್ದ ಭಾಷಣ ಬಿಗಿಯೋಕೆ
ವೇದಿಕೆಯ ಮೇಲೆ -ನಾವೆಲ್ಲಾ ನಿಮ್ ಸೇವಕರು, ಅಂತ ಹೇಳೋಕೆ|
ಗೊತ್ತಾಯ್ತು, ಬಿಡಿ,
ಅದೇ ನಾವೆಲ್ಲಾ ಅವರ ಸೇವಕರು-
ನಿಮ್ಮನ್ನು ಬಿಟ್ಟು||
ನೀವ್ ಬಿಸಿ ಊಟ ಮಾಡಿ
ಉಳಿದಿದ್ದ ತಂಗಳು-ಪಂಗಳು
ಹಳ್ಸಿದ್ದು-ಕೆಟ್ಟಿದ್ದು
ಆಳಿಗೆ ಹಾಕೋ ವಿಚಾರ,
ಈಗ ಯಾಕೇ ಬಿಡಿ|
ನಿಮ್ಮ ಹನ್ನೆರಡು ವರ್ಷದ
ದಾಂಡಿಗ ಮಗನ ಪುಸ್ತಕದ ಹೊರೆಯನ್ನು
ಆ ಮುದ್ಕಾ ಹೊತ್ಕೊಂಡ್ ಬರ್ತಾನಲ್ಲ,
ಆ ವಿಚಾರ ಯಾರಿಗೂ ಹೇಳುಲ್ಲಾ, ಬಿಡಿ||
ಬೆಳಗಿನ ಜಾವ ಮೂರಕ್ಕೆ ಎದ್ದು
ಮನೇಲಿ ಗಂಜಿ ಬೇಯ್ಸಿಟ್ಟು
ಸ್ವಾಮಿ ಮೂಡೋಕೆ ಮುಂಚೆ
ನಿಮ್ಮ ಮನೇಗೆ ಹಾಜರಾಗಿ
ಮುಸ್ರೆ ತಿಕ್ಕುವ ಚೆನ್ನಿಯ ಮಾತು
ಈಗ ಬೇಡ ಬಿಡಿ||
ಬಡಪಾಯಿ ಜನಕ್ಕೆ ನೂರು ರೂಪಾಯಿ ಸಾಲ ಕೊಟ್ಟು
ವರ್ಷವೆಲ್ಲಾ ನಿತ್ಯವೂ ಒಂದು ರೂಪಾಯಿ
ಬಡ್ಡಿ ವಸೂಲು ಮಾಡೋ
ನಿಮ್ಮ ಚಾಣಾಕ್ಷ ಬುದ್ಧಿಯ ಬಗ್ಗೆ
ಬರೆಯುವುದಿಲ್ಲ, ಬಿಡಿ|
ಪೂರ್ವದಲ್ಲಿ ಹುಟ್ಟೋ ಸೂರ್ಯ
ಪಷ್ಚಿಮದಲ್ಲಿ ಅಪ್ಪಿ ತಪ್ಪಿ ಹುಟ್ಟಿದ್ರೂ
ನಿಮ್ಮಂತೋರು ಹಾಗೆಯೇ
ನಮ್ಮಂತೋರು ಹೀಗೆಯೇ
ಅವೆಲ್ಲಾ ಈಗ ಯಾಕೆ ಬಿಡಿ||
soundaryalahari
13 years ago
5 comments:
ಅರ್ಥಗರ್ಭಿತವಾಗಿದೆ.. :-)
Thanks, harish
http://sampada.net/user/hariharapurasridhar/content
ಸರ್, ಒಂದು ಸಣ್ಣ ಮುಗುಳ್ನಗೆ ಬಿಟ್ಟು ಇನ್ನೇನು ಕೊಟ್ರೂ ಕಡಿಮೆಯಾಗುತ್ತೆ.
ಆದ್ದರಿಂದ.. [:)]
ಮತ್ತೆ ನಮಸ್ತೆಗಳೊಂದಿಗೆ...
ಸತ್ಯ
Thanks.
Please be in touch with me.Link to
my articles in Sampada.net is
http://sampada.net/user/hariharapurasridhar/content
Hariharapurasridhar
ಖಂಡಿತ ಶ್ರೀಧರ್ ರವರೆ..
ಥ್ಯಾಂಕ್ಸ್ ನಿಮಗೂ ಕೂಡಾ..
ಸಾಧ್ಯವಾದಾಗಲೆಲ್ಲ ಭೇಟಿ ನೀಡುವೆ.
ಹಾಗೆ ನಿಮ್ಮಂತವರ ಅನಿಸಿಕೆ ನನ್ನಂಥ ಹೊಸಬರಿಗೆ ತುಂಬಾ ಹೆಚ್ಚಿನ ಉಪಯೋಗಕಾರಿ ಅನ್ನೋದು ನಿಮಗೂ ಗೊತ್ತಿರೋದೆ ಆಗಿರೋದ್ರಿಂದ ದಯವಿಟ್ಟೂ ಇಲ್ಲಿಗೂ ಒಮ್ಮೆ ಭೇಟಿ ನೀಡಿ..
http://sathyathetruthwithus-kannada.blogspot.com/
ನಿಮ್ಮ ಅನಿಸಿಕೆ ತಿಳಿಸಿ..
ಅದೇ ಲೇಖನ "ಸಂಪದ"ದಲ್ಲಿ ಈ ವಿಳಾಸದಲ್ಲಿ ಇದೆ..
http://sampada.net/blog/smsathyacharana
Wordpress.com ಭೇಟಿ ಕೊಡುವವರಾದರೆ.. ಅದರ ಲಿಂಕ್ ಈ ಕೆಳಗಿನಂತೆ.. ಎಲ್ಲೆಡೆಯೂ ಒಂದೇ ಲೇಖನ.. :)
https://sathyathetruthwithuskannada.wordpress.com/wp-admin/
ನಿಮ್ಮ ಭೇಟಿ ಅಮೂಲ್ಯ... ನಿಮ್ಮ ಅನಿಸಿಕೆ ಬಹು ಅವಶ್ಯ..
ನಿಮ್ಮೊಲವಿನ..
ಸತ್ಯ.
Post a Comment